အဝေးရောက်ချစ်သူသို့
နင်ဖတ်မိပါစေဆိုတဲ့ ဆန္ဒနဲ့ ဒီစာကို ငါရေးလိုက်ပါတယ်…
MM Flash Songs Ning Site လေးဟာ နင်နဲ့ ငါ့ကို တွေ့ဆုံပေးလိုက်တဲ့ Site လေးအဖြစ် ငါ့ဘဝမှာ အမြဲအမှတ်တရရှိနေမယ်ဆိုတာ ယုံထားပါဟာ…
MM Flash Songs ကို ဝင်လာသမျှ Member တွေကို နင်ကြိုပေးတတ်တာလေ…
ငါဝင်လာတာကို နင်လာကြိုတော့ ငါက နင့်ဆီ ကျေးဇူးတင်ကြောင်း ပြောရင်းနဲ့ နင်နဲ့ ငါဟာ သူငယ်ချင်းတွေအဖြစ် စခင်ခဲ့ကြတယ်…
နင်က လူတိုင်းအပေါ် ကူညီတတ်တယ်…နင့်စိတ်ဓာတ်ကို ငါ လေးစားခဲ့တယ်…
ငါက အကူအညီတောင်းတိုင်းလည်း မဆိုင်းမတွ နင် ချက်ခြင်း လုပ်ပေးတတ်တယ်…
နောက်တော့ နင်နဲ့ ငါ အပြန်အလှန် စကားတွေ ပြောဖြစ်ကြတယ်…
စရင်း နောက်ပြောင်ရင်းနဲ့ ရင်းနှီးမှုတွေ ရလာခဲ့ကြတယ်…
နင်က ငါ့အတွက် သီချင်းလေးတွေ လုပ်ပေးတတ်တယ်… ငါ့အတွက် လုပ်ပေးထားတဲ့ သီချင်းလေးတွေ နားထောင်ရင်း ငါ့ရင်ထဲမှာ ဘယ်လောက် ကြည်နူးပျော်ရွှင်ရတယ်ဆိုတာ နင်သိမှာ မဟုတ်ပါဘူး…
နောက်တော့ နင်နဲ့ ငါဟာ သံယောဇဉ်ဖြစ်လာပြီး တစ်နေ့မတွေ့ရရင် မနေနိုင်တဲ့သူတွေ ဖြစ်လာခဲ့ရတယ်…
နင်နဲ့ ငါဟာ မြန်မာပြည်ကို ခွဲခွာပြီး ပြည်ပနိုင်ငံမှာ ရည်ရွယ်ချက်ကိုယ်စီနဲ့ အလုပ်လုပ်နေရတဲ့သူတွေဆိုတော့ အင်တာနက်ဟာ ငါတို့နှစ်ယောက်အတွက် ဆက်သွယ်ရေး လမ်းကြောင်းလေး ဖြစ်လာခဲ့တယ်…
Site ထဲမှာလည်း အပြန်အလှန် အချစ်သင်္ကေတတွေနဲ့ မှတ်ချက်လေးတွေ ပေးရင်း နင်နဲ့ ငါဟာ ချစ်သူတွေ ဖြစ်လာခဲ့ကြတယ်…
နင့်အပေါ်မှာ ငါအများကြီး မျှော်လင့်ထားခဲ့ပါတယ်…
နင်ဟာ ငါနဲ့ နီးစပ်ဖို့ ကြိုးစားမယ်လို့ ငါယုံကြည်ချက်တွေ ထားခဲ့တယ်… နင်ပြောသမျှကို ငါယုံထားတယ်…
နင် ငါ့ကို သိပ်ချစ်တယ်ဆိုတဲ့စကားကို ငါ့ရင်ထဲမှာ သိမ်းဆည်းထားခဲ့တယ်…
ငါ နင့်ကို ချစ်တယ်ဆိုတာလည်း နင် ယုံကြည်မယ်လို့ ငါ မျှော်လင့်ထားပါတယ်…
ဒါပေမဲ့ ဟာ…
ငါ နင့်ကို နားမလည်နိုင်တော့ဘူး…
ငါ မြန်မာပြည်ကို ပြန်တယ်…
ငါ ပြန်တဲ့ရက်တွေမှာ နင့်ကို တွေ့ဖို့ ငါ အင်တာနက်အမြဲသုံးတယ်… ငါ့ကို နင်လွမ်းနေတယ်တဲ့…
နောက် နင့်ကို ငါ Online မှာ မတွေ့ရတော့ဘူး…
နင်…ဘာကြောင့် Online ကို လုံးဝမလာတော့တာလဲ…
ငါ… ဘာလုပ်ရမလဲ ဟာ
နင် Online ဝင်လာမဲ့နေ့ကို ငါစောင့်နေပါတယ်…
နင့်တစ်ယောက်ထဲကိုပဲ ငါ ချစ်တယ်ဆိုတာ ယုံပေးပါဟာ…
နင်… ငါ့အနားရောက်လာမဲ့နေ့ကို ငါ မျှော်လင့်နေပါ့မယ်…
နင့်ကို ငါ ယုံပါရစေ…
နင်ချစ်တယ်ဆိုတဲ့
………………...
လွမ်းဧကရီ
၁၃-၀၅-၂၀၁၂
ည ၉:၄၇ နာရီ
မှတ်ချက်။ ။ အဝေးရောက်ချစ်သူကို Flash Song ပြုလုပ်ထားပြီး ဖြစ်ပါသည်။ ဆိုတေး သီဆိုထားသည်ကို Flash Song ထပ်မံပြုလုပ်ရင်း တစ်ယောက်သောသူ၏ ရင်ဘတ်ကို ငှား၍ ရေးသားထားပါသည်။
No comments:
Post a Comment