ဘ၀မှာ သံဝေဂရစရာလေးတစ်ခုကို တင်ပြချင်လို့ ပါ...(၇.၄.၀၈) ရက်နေ့ က သတင်းလေးနှစ်ခု ရောက်လာတယ်...တစ်ခုက တစ်ဝမ်းကွဲညီမတစ်ယောက် SSC မှာ မိန်းခလေးမွေးတယ်လို့ ဖုံးဆက်လာပါတယ်... နောက်သတင်းတစ်ခုက ၂-၀မ်းကွဲ အကိုတစ်ယောက် SSC မှာပဲ ဆေးရုံတင်ထားတယ်ဆိုပြီး သိရတာပါပဲ... (၇.၄.၀၈) ရက်နေ့ မှာ ၂-၀မ်းကွဲအကိုဆီ အရင်သွားကြည့်ပါတယ်...အဲဒီနေ့ က အကိုက ကိုမာဝင်သွားပြီဆိုတာ သိလိုက်ရပါတယ်...တရားခွေလေး ဖွင့်ပေးထားပါတယ်...နောက်ဆုံးအချိန်လေးကို စောင့်နေတာတဲ့...အဲဒီအချိန်မှပဲ အကြောင်းစုံသိရပါတယ်...ပျော်ပျော်နေတတ်တဲ့အကိုပါ...ဒီလိုဖြစ်လာလိမ့်မယ် လို့  မျှော်လင့်မထားခဲ့တာပါ...ကင်ဆာလို့ သိလိုက်ရတဲ့အချိန်မှာ အဆင့်-၄ ရောက်သွားပြီဆိုတာ သိလိုက်ရတာတဲ့...(၈.၄.၀၈) ရက်နေ့  မနက် ၇း၁၅ နာရီမှာ ဆုံးသွားတယ်လို့  သတင်းရောက်လာပါတယ်...ဆွေမျိုးမောင်နှမတွေအတွက် ကြေကွဲဝမ်းနည်းဖွယ်ရာသတင်းလေးပါ...
(၇.၄.၀၈)ရက်နေ့  အကိုဝမ်းကွဲကို ကြည့်ပြီးတာနဲ့  ညီမ၀မ်းကွဲဆီ သွားတယ်...(၆.၄.၀၈)ရက်နေ့  မနက် ၇း၂၄ နာရီမှာ ခွဲမွေးတာတဲ့...
မိန်းခလေး...၆-ပေါင် ၁၀-အောင်စတဲ့ ...ကလေးလေးက ချစ်စရာ နီတာရဲလေး လေ...သွားကြည့်တဲ့အချိန်မှာ ကလေးကို စပြီးနို့ တိုက်နေတာ...
လူ့ လောကထဲကို ရောက်လာတဲ့ လူသားလေးတစ်ယောက်ကို ကြီးပြင်းအောင် မွေးရအုန်းမှာ...
ပြောချင်တာက တစ်ယောက်က လူ့ လောကကနေ ထွက်ခွာဘို့  စောင့်နေတဲ့အချိန်မှာ တစ်ယောက်က လူ့ လောကကို ရောက်လာတာပါ...
လူ့ ဘ၀ဆိုတာ နောင်ဘာဖြစ်လာမယ်ဆိုတာ ကြိုတင် တွက်ဆလို့ မရနိုင်တာ ကိုပါ...
လူ့ လောကထဲ နေခွင့်ရတဲ့အချိန်လေးမှာ ကျနော်လောကီ၊ လောကုတ္တရာ အလုပ်လေးတွေကို စိတ်အေးချမ်းသာစွာနဲ့  လုပ်ချင်နေမိတာပါပဲ...
No comments:
Post a Comment