ချစ်သူကို ချက်ကျွေးချင်ခဲ့သော ဟင်းတစ်ခွက်
၁၅-၉-၂၀၁၉ ရက်နေ့ တနင်္ဂနွေနေ့က Facebook မှာ Share ထားတဲ့ “ကြက်တောင်ပံကြွတ်မွှေးကြော်” ကို လုပ်ဖြစ်ခဲ့ပါတယ်။
လိုအပ်တဲ့
ပစ္စည်းတွေကို ကြိုတင် ဝယ်ယူထားပါတယ်။
ပထမဆုံး ကြက်တောင်ပံကို ရေဆေးပြီး ဆား၊ ရသာမှုန့်၊ ငြုပ်ကောင်းမှုန့်၊
ပဲငံပြာရည်အကြည်၊ ဆနွင်းနဲ့ ခရုဆီတို့ ထည့်ပြီး နှပ်ထားပါတယ်။
ကြက်သွန်ဖြူကို လေးစိတ်ကွဲလေး လုပ်ပါတယ်။ လွမ်းကတော့
လျှပ်စစ်မလိုတဲ့ Mini Cutter လေးကို သုံးပါတယ်။
ဂျင်းကိုတော့ ညက်အောင် ထောင်းပါတယ်။ ကြက်သွန်ဖြူ၊ ငြုပ်သီးစိမ်းနဲ့
ဂျင်းကို အဆင်သင့် လုပ်ထားပါတယ်။
ယိုးဒယားအကြော်မှုန့်ကို ရေဖျော်ပါတယ်။ ကြက်တောင်ပံတွေကို
အကြော်မှုန့်အနှစ်ရည်ထဲ စိမ်ပြီး ဆီကျက်အောင် ထည့်ထားတဲ့ ဒယ်အိုးထဲမှ မီးနဲနဲ နဲ့
ကြော်ပါတယ်။ တစ်ဖက်ရဲလာရင် နောက်တစ်ဖက်ကို လှန်ပြီး ကြော်ပါတယ်။
ကြော်ပြီး ကြက်တောင်ပံတွေကို ဆီစစ်စက္ကူပေါ်မှာ တင်ထားပြီး
စစ်ပါတယ်။
ဆီစစ်စက္ကူလေးတွေက အသုံးဝင်တဲ့အတွက် ဝယ်ထားပါတယ်။
ဒယ်အိုးမှာ
ဆီနဲနဲနဲ့ ကြက်သွန်ဖြူနဲ့ ဂျင်းကို ကြော်ပါတယ်။ မွှေးလာပြီဆိုရင် ငြုပ်သီးနဲ့
ဆီစစ်ထားတဲ့ ကြက်တောင်ပံတွေကို ထည့်ပြီး ပြန်ကြော်ပါတယ်။
ဒါဆိုရင်
မွှေးတဲ့ ကြက်တောင်ပံကြွပ်ကြော်ကို စားဖို့ အဆင်သင့်ဖြစ်ပါပြီ။
ချစ်သူလာချိန်မှာ ကြော်ချက်ဖို့ အားလုံးအဆင်သင့်ရှိနေပေမဲ့ ချက်မကျွေးဖြစ်လိုက်ပါဘူး။
တကယ် ချစ်သူကို ကျွေးချင်ခဲ့တဲ့ ဟင်းတစ်ခွက်ပါ။
လွမ်းဧကရီ
၁၆-၉-၂၀၁၉
ညနေ
၃:၀၇ နာရီ
