စုပေါင်းရှင်ပြုအလှူမင်္ဂလာတော်
မနေ့က (၃၀-၃-၂၀၁၄) ရက်နေ့က
စုပေါင်းရဟန်းခံရှင်ပြုပွဲကို ဖိတ်တဲ့အတွက် ဖောင်ကြီးမှာရှိတဲ့ ရာဘာခြံထဲက
အလှူမင်္ဂလာကို သွားရောက်ခဲ့ပါတယ်။
Project လုပ်ငန်းမှာ နေ့စဉ်ဆောင်ရွက်နေရတဲ့အတွက် ပင်ပန်းနေတဲ့စိတ်ကို ခဏတာ အပန်းဖြေနိုင်စေရန် သိပ်မကွာဝေးတဲ့ ဖောင်ကြီးကို ဒုတိယအကြိမ်မြောက် ရောက်ခဲ့ပါတယ်။
ရာဘာခြံမြေပြန့်နေရာမှာ
မဏ္ဍပ်ဆောက်ထားပြီး ရွာဓလေ့အတိုင်း တီးဝိုင်းဖြင့် ကြီးမားသော စပီကာများ
အသုံးပြုပြီး သီဆိုဖျော်ဖြေသံက ဆူညံစွာ တစ်ယောက်တစ်ပေါက် ပြောဆိုသံတွေကို
ဖုံးလွှမ်းထားပါတယ်။
မောင်ရှင်လောင်းများကို လူများရဲ့
ပုခုံးထက်မှာတင်ပြီး မဏ္ဍပ်ကို ရောက်လာတာကို ကျနော် တောင်ကုန်းပေါ်က ဆင်းလာရင်း
အပင်များကြားမှ ယခုလိုပဲ မှတ်တမ်းတင်ဖြစ်ခဲ့ပါတယ်။
မောင်ရှင်လောင်းများ မဏ္ဍပ်သို့
ဝင်ရောက်လာစဉ်နှင့် ရှမ်းအိုးစည်ဝိုင်းမှာ ဖျော်ဖြေနေကြပုံများပါ။
